धरणगाव, दि.११ :- तालुक्यातील झुरखेडा येथे ग्रामस्थांच्या मागणी नुसार पिण्याच्या पाण्याची टंचाई भासू नये यासाठी पालकमंत्र्यांनी व्यासपीठावरूनच जिल्हाधिकारी आयुष प्रसाद यांच्याशी संपर्क करून धारागीर धरणातून झिरी नदीला आवर्तन सोडण्याबाबत निर्देश दिले. तसेच निमखेडा येथे दशक्रिया विधी परिसरात सांत्वन शेड, झुरखेडा येथे बाजार पट्ट्यात झिरी नदीला संरक्षण भिंत, कॉन्क्रीटीकरण व स्मशानभूमी बांधकाम मंजूर करणार असल्याची ग्वाही दिली. जनतेने मला गुलाब म्हणून पाहिले व मी शेवटपर्यंत गुलाब म्हणूनच राहील असा विस्वास व्यक्त करून मतदार संघात चौफेर विकास साधत आहे. बोलतो त्याप्रमाणे विकास कामे करणारे आहोत असे प्रतिपादन केले. झुरखेडा गावाबद्दल जुन्या आठवणीना उजाळा देत ग्रा.पं.पदाधिकारी व ग्रामस्थांनी राजकीय मतभेद विसरून गावात एकोपा ठेवावा व गावाच्या सर्वांगीण विकासाठी कटिबध राहण्याचा सल्लाही पालकमंत्र्यांनी दिला. झुरखेडा येथे नव्याने निवडून आलेल्या ग्रा.पं. लोकनियुक्त सरपंच, उपसरपंच व सदस्य यांनी मिळून पालकमंत्री गुलाबरावजी पाटील याचा सत्कार केला. यावेळी जिल्हा प्रमुख निलेश पाटील, माजी सभापती मुकुंदराव नन्नवरे, तालुका प्रमुख डी.ओ. पाटील, विधानसभा क्षेत्र प्रमुख संजय पाटील सरांनी यावेळी बोलताना सांगितले की, जिल्ह्यासह मतदार संघात पालकमंत्री गुलाबराव पाटील यांनी चौफेर विकास केला असून प्रत्येक क्षेत्रात गावागावात जनहितासाठी भरघोस निधी दिल्याने जनताही त्यांच्या विकासाने भारावलेली आहे.
या कामांचे झाले लोकार्पण व भूमिपूजन
पालकमंत्री गुलाबराव पाटील यांच्या हस्ते झुरखेडा व निमखेडा येथील नव्याने उभारण्यात आलेले ग्रामपंचायत कार्यालयाचा लोकार्पण सोहळा पार पडला. झुरखेडा ते सतखेडा व सतखेडा ते झुरखेडा, रस्ता मजबुतीकरण व डांबरीकरणाचे, जलजीवन मिशन अंतर्गत दोन्ही गावातील पाणी पुरवठा योजना व तलाठी कार्यालयाचे भूमिपूजन करण्यात आले तसेच गाव अंतर्गत व दलित वस्तीत पेव्हिंग ब्लॉक, भूमिगत गटार व गावांतर्गत झुरखेडा ते दुसखेडा रस्त्याचे मजबुतीकरण व डांबरीकरण, निमखेडा ते तारखेडा या आदिवासी वस्तीवर जाणांच्या रस्त्याचे कॉन्क्रीटीकरण करणे अश्या विविध विकास कामांचे पालकमंत्री यांच्या हस्ते लोकार्पण व भूमिपूजन करण्यात आले. पालकमंत्री महोदय यांनी वरील कामासाठी मोठ्याप्रमाणात निधी दिल्यामुळे दोन्ही गावातील नागरिकांनी पालकमंत्र्यांचे यावेळी आभार मानले. कार्यक्रमाचे प्रास्ताविक व सूत्रसंचालन संजय चौधरी सरांनी केले तर आभार लोकनियुक्त सरपंच सुरेश पाटील यांनी मानले. हा कार्यक्रम यशस्वी होण्यासाठी ग्रामपंचायतीचे लोकनियुक्त सरपंच, उपसरपंच सदस्य, सदस्या शिवसेना व युवसेना कार्यकर्ते यांनी परिश्रम घेतेले. यावेळी जिल्हा प्रमुख निलेश पाटील, तालुका प्रमुख डी. ओ. पाटील, माजी, जि.प. सदस्य प्रतापराव पाटील, माजी सभापती प्रमुख मुकुंदराव नन्नवरे, अनिल पाटील, लोकनियुक्त सरपंच सुरेशआप्पा पाटील, उपसरपंच संजय चौधरी, निमखेडा लोकनियुक्त सरपंच छायाबाई पाटील, उपसरपंच शरद कोळी, ह.भ.प. मंगल पाटील, पानाचंद चौधरी, साहेबराव पाटील, सोपान चौधरी, दिपक चौधरी, दिनेश चौधरी, महेंद्र बाविस्कर भूजल विभाग, ऍड विरेंद्र पाटील, हिरालाल पाटील आयकर विभाग, राहुल पाटील, डॉ, अनिल चौधरी, राहुल चौधरी, किरण पाटील, मंगल बाविस्कर, यशवंत चौधरी, पांडुरंग पाटील, शहर प्रमुख विलास महाजन, विधानसभा क्षेत्र प्रमुख संजय पाटील सर, तालुका संघटक रवींद्र चव्हाण सर, गजानन बापू पाटील सतखेडेकर, ग्रा. पं. सदस्य बबन पाटील, विमलाबाई विसावे, बापू जाधव, कल्पना पाटील, कांचन चौधरी, नाजबीन पिंजारी, मीनाबाई नन्नवरे, माधुरी चौधरी, मंगल चौधरी शिपाई, नामदेव कोळी पाणीपुरवठा कर्मचारी, बाबुराव कोळी माजी पोलीस, प्रल्हाद चौधरी पोलीस पाटील, माजी सरपंच दगडू पाटील, हिरालाल कोळी,परिसरातील सरपंच गणेश पाटील, जीवन पाटील, तौसीफ पटेल, मा. नगरसेवक बुटा पाटील, तुकाराम नाना पाटील, युवासेनेचे आबा माळी, दिपक भदाणे यांच्यासह गावातील ग्रामस्थ मोठ्या संख्येने उपस्थित होते.
