उपसंपादक, दिपक नेवे मो:9665125133
स्वत:हाच्या वाहनातुन तात्काळ रूग्णालयात नेवुन वाचवले महिलेचे प्राण
यावल : अंकलेश्वर – बऱ्हाणुपर राज्य मार्गावर सावदा कडून बऱ्हाणपूर कडे जात असतांना प्रवासी वाहतूक करणारी अॅपेरिक्षा रस्त्यावर उलटली हा अपघात शनिवार दुपारी विवरे ते वडगाव रस्त्यावर झाला. या अपघातात एक महिला गंभीर जखमी झाली असून महिले सोबत एक दोन वर्षीय बाळ व एक ७ वर्षीय मुलगी होती अपघातानंतर याच मार्गावरून यावल येथील आश्रय फाउंडेशनचे अध्यक्ष डॉ. कुंदन फेगडे हे जात होते त्यांनी वाहन थांबून आपल्या स्वतःच्या वाहनांमध्ये जखमींना बसवले आणि रावेर ग्रामीण रुग्णालयामध्ये दाखल करून स्वतःच त्यांच्यावर उपचार देखील केले व माणुसकीचे दर्शन घडवत जखमी महिलेचे प्राण वाचवले अपघाता नंतर अॅपेरिक्षा चालक हा मात्र जागेवरून फरार झाला होता. अंकलेश्वर – बऱ्हाणपूर राज्य मार्गावर सावदा येथून प्रवासी घेऊन एक अज्ञात अॅपेरिक्षा चालक अॅपेरिक्षा क्रमांक एम. एच. १९ बी. जे. ५२८५ घेऊन बऱ्हाणपूर कडे जात होता. दरम्यान वडगाव ते विवरे या रस्त्यावर रिक्षा अनियंत्रित झाली व रस्त्यावर कलंडली या अपघातामध्ये दिपाली पांडव रा. बऱ्हाणपूर ही महिला गंभीर जखमी झाली व इतर काही जणांना किरकोळ दुखापत झाली अपघात झाल्यानंतर याच मार्गावरून यावल येथील आशय फाउंडेशनचे अध्यक्ष डॉ. कुंदन फेगडे हे जात होते त्यांनी स्वतःचे वाहन थांबवले यांनी जखमींना त्यांच्या वाहनात बसवले व तेथून रावेर ग्रामीण रुग्णालयामध्ये दाखल केले तिथे स्वतःच्या हातूनच त्यांनी काही रुग्णांवर उपचार देखील केले आणि माणुसकीचे दर्शन घडवले तेव्हा डॉ. कुंदन फेगडे यांनी अपघात ग्रस्त लोकांना मदत करून आपल्याच वाहनात नेले आणि त्यांच्यावर वेळेत उपचार करून जखमी महिलेचे प्राण वाचवले म्हणून त्यांचा सर्वत्र अभिनंदन होत आहे.
