उपसंपादक, दिपक नेवे मो:9665125133
यावल:- तालुका जिथे क्रिडा संकुल तिथे असे धोरण राज्य सरकारचे असुन यावल तालुक्यात अनेक वर्षापासुन आज ही यावल शहरात किंवा तालुक्यात क्रिडा संकुलाची कामे सुरू होऊ शकलेले नाही. आजपावेतो प्रशासनाला जागाच उपलब्ध होऊ शकलेली नाही का? जागा आहे पण का होत नाही. त्यामुळे शासनाचे काम आणि दहा वर्षे थांब असे म्हणण्याची वेळ यावलकरांवर आली आहे. मनसेतर्फे वेळोवेळी निवेदन दिले आहे. जिल्हा क्रिडा अधिकारी सुनंदा पाटील व स्वर्गीय हरीभाऊ जावळे यांनी सुध्दा पाहणी करून सुध्दा काम झाले नाही. निधी मंजुर आहे मग पुढे तालुका क्रिडा संकुलाचे काम झाले नाही असा प्रश्न आम्हास पडला आहे. राज्यात राष्ट्रीय आणी आतंरराष्ट्रीय दर्जाच्या क्रिडा सुविधा व्हाव्यात यासाठी त्रिस्तरिय क्रिडा संकुलनाची उभारणी करण्याचे धोरण राज्य सरकारचे आहे . यावल तालुकास्तरीय क्रिडा संकूलनाचा समावेश आहे . यावल तालुक्यातील ग्रामीण क्षेत्रातील होतकरू मुलांना खेळात नैपुण्य प्राप्त करण्याची संधी उपलब्ध व्हावी, हा या धोरणामागचा उद्देश आहे . मात्र शहरी जिल्हास्तरावरील किडा संकुलने मार्गा लागली असली तरी तालुका पातळीवरील क्रिडा संकुल मात्र रखडल्याचे चित्र पहावयास मिळत आहे . याकरीता यावल तालुक्यात जागा उपलब्ध आहे याशिवाय क्रिडा संकुलनांच्या बांधकामा साठी ३ कोटी ६५ लाख रूपयांचा निधी देखील मंजुर प्राप्त आहे . दरम्यान आता पर्यंत चे चित्र बघता यावल तालुक्यात क्रिडा संकुलनाचे काम मार्गी लागेल कि नाही या बाबत संशय वाटत आहे . जळगाव जिल्ह्यातील यावल तालुक्याच्या क्रिडा संकुलानाचे अद्याप पर्यत रखडलेल्या अवस्धेत असुन, महाराष्ट्र नवनिर्माण सेनेच्या वतीने वेळोवेळी या विषयाचा पाठपुरावा केला आहे. यावल तालुक्यातील क्रिडा संकुलनाचा अनेक दिवसापासुन प्रलंबीत विषय मार्गी लावण्यात यावे अशी केन्द्रीय मंत्री श्रीमती रक्षाताई खडसे यांना निवेदनाद्वारे मागणी करण्यात आली यावेळी महाराष्ट्र नवनिर्माण सेनेच्या जनहित विभागाचे राज्य उपाध्यक्ष चेतन अढळकर, तालुका अध्यक्ष मुकेश बोरसे , यावल तालुका उपाध्यक्ष शाम पवार , किशोर नन्नवरे , गौरव कोळी आदी पक्षाच्या पदाधिकारी यांनी दिले आहे. .
