यावल:- मा. पंतप्रधान नरेंद्र मोदी यांच्या वाढदिवसानिमित्त भारतीय जनता पार्टी यावल तालुका च्या वतीने मोफत नेत्र तपासणी व शस्त्रक्रिया शिबीरा चे आयोजन केले होते. सदर शिबिराचे आयोजन डॉ. कुंदन फेगडे यांच्या जनसेवा मल्टीस्पेशालिटी हॉस्पिटल भुसावळ रोड यावल येथे केले होते.या शिबिरामध्ये यावल -रावेर तालुक्यातील एकूण १३० रुग्णांची मोफत नेत्र तपासणी करण्यात आली तर ३५ शास्त्रक्रियेस पात्ररुग्णांना जळगाव येथे कांताई नेत्रालयात शस्त्रक्रिये करिता रवाना करण्यात आले. आश्रय फाउंडेशन व कांताई नेत्रालय जळगाव यांच्या वतीने रुग्णांची जाण्य-येण्याची, राहण्याची व जेवणाची मोफत सुविधा करण्यात आली होती. या शिबिरात शिबीर नियोजक युवराज देसार्डा यांनी रुग्णांना मार्गदर्शन केले तर नेत्र चिकित्सक डॉ वैभव शिंदे व सहायक विनोद पाटील यांनी रुग्णांची नेत्र तपासणी केली. या कार्यक्रमांची प्रस्तावना आश्रय फाउंडेशन चे अध्यक्ष व सामाजिक कार्यकर्ते डॉ. कुंदन फेगडे यांनी मांडली. तर कार्यक्रमचे अध्यक्ष स्थानी भाजपाचे जिल्हा उपाध्यक्ष हिरालाल चौधरी यांनी तर उद्घाटन स्थानी कृषी उत्पन्न बाजार समिती यावल चे सभापती हर्षल पाटील हे होते. या प्रसंगी भाजपा जिल्हा उपाध्यक्ष हिरालाल चौधरी, कृषी उत्पन्न बाजार समिती यावल सभापती हर्षल पाटील, आश्रय फाउंडेशन अध्यक्ष डॉ. कुंदन फेगडे, किसान मोर्चा जळगाव जिल्हाध्यक्ष नारायणबापू चौधरी, माजी जिल्हा परिषद सदस्य सौं सविताताई भालेराव, तालुकाध्यक्ष उमेश फेगडे , सरचिटणीस विलास चौधरी, उज्जैनसिंग राजपूत, किशोर कुरकर्णी, ओ. बी. सी. सेल जळगाव जिल्हा अध्यक्ष हेमराज फेगडे विद्यमान संचालक कु.उ. ब समिती यावल राकेश फेगडे युवा मोर्चा तालुका अध्यक्ष सागर कोळी, भाजपा युवा मोर्चा तालुका सरचिटणीस व्यंकटेश बारी, मनोज बारी, रितेश बारी इ. उपस्थित होते.
